Abhivyakti...aavashyak hai
Khamoshi ki bhasha sabko nahi aati...
Kuch dhundhli hoti yaadein
Kuch khushnuma lamhe
Kuch puraane hote sapne
Aur kuch dhool jame hue panne
Sabke liye abhivyakti aavashyak hai
Khamoshi ki bhasha sabko nahi aati...
Kuch puraane khat
Kuch talkh si hidaytein
Kuch bojhil si hoti nazar
Aur kuch bhooli hui baatein
Sabke liye abhivyakti aavashyak hai
Khamoshi ki bhasha sabko nahi aati...
Kuch buddhaape ka dosh
Kuch waqt ke na guzarne ki shikayatein
Kuch aangan me dhalti dhoop
Aur kuch puraane kisson ka zikr
Sabke liye abhivyakti aavashyak hai
Khamoshi ki bhasha sabko nahi aati...
