Shabd......Ek Abhivyakti

Agar mujhe shabdon ka kuch gyan hota, to shayad main bhi kuch likh paati. Kintu yadi kisi sudhaar ki sambhavna  ho, to vyakti ko apni koshish jaari rakhni chahiye. Yahi vichaar mujhe har baar anvarat prayaas ki prerna deta hai. To baat aati hai shabdon ki......

Shabd, jo ek manke ki tarah piroya ja sakta hai

Shabd, jo kisi bhi lekh mein jaan phoonk deta hai

Shabd, jo kisi bhi bhaavna ko abhivyakt karne mein saksham hai

Shabd, jo kisi ke mann ko gahrai se choote hain

Shabd, jo kisi bhi bhaasha ke nirnayak hote hain

Shabd, jo kisi vyakti ki pahchaan hote hain

Shabd, jo kisi jaadoo ki tarah kaam karte hain

Shabd, jo kabhi-kabhi jeevandayak hote hain

Shabd, jo kisi ki prerna hote hain.......

Junoon iss kadar ho ki,

kuch bhi haasil kar sake....

Pyaas aisi ho ki,

nadiya dhoondh kar hi bujhe.....

Vishwaas aisa ho ki,

ishwar ko prapt kar sake....

Nishchhalta aisi ho ki,

balak-mann se tulna kar sake....

Pavitrata aisi ho ki,

agni-pareeksha se guzar sake.....

Dhairya aisa ho ki,

dharti-ambar ke milan tak rah sake....

Kalpna aisi ho ki,

Parindon ki udaan tak jaa sake....